श्रीमती रंजना मधुकरराव लसणे
☆ रंजना जी यांचे साहित्य # 74 – माय माझी ☆
माय माझी बाई।
अनाथांची आई।
सर्वा सौख्यदाई।
सर्वकाळ।
घरे चंद्रमौळी।
स्नेह शब्दावली।
दारी रंगावली।
प्रेमस्पर्शी।
पूजते तुळस।
मनी ना आळस।
घराचा कळस।
माझी माय।
पै पाहुणचार।
करीत अपार।
देतसे आधार।
अनाथासी।
संस्काराची खाण।
कर्तव्याची जाण।
आम्हा जीवप्राण ।
माय माझी।
गेलीस सोडूनी।
प्रेम वाढवूनी।
जीव वेडावूनी।
माझी माय।
लागे मनी आस।
जीव कासावीस।
सय सोबतीस।
सर्वकाळ।
© रंजना मधुकर लसणे
आखाडा बाळापूर, जिल्हा हिंगोली
9960128105
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
