मराठी साहित्य – कवितेचा उत्सव ☆ विजय साहित्य – एक चंद्र ☆ कविराज विजय यशवंत सातपुते

कविराज विजय यशवंत सातपुते

☆ विजय साहित्य – एक चंद्र ☆ कविराज विजय यशवंत सातपुते ☆

(अष्टाक्षरी)

एक एक पान गेले

मागे डहाळी ठेवून

जीवनाच्या प्रवासात

आहे झाड ते टिकून. . . . !

चैत्र पालवीत गेला

कसा सरून वसंत

एकट्याने सांभाळला

जीव अनादी अनंत. . . . !

पिढ्या पिढ्या हेच घडे

जाते लेकरू सोडून

आठवांच्या पौर्णिमेला

जाते घरटे देऊन. . . . !

किती आले किती गेले

जीवनात हे उन्हाळे

फांदी फांदीने जपले

सुख दुःख पावसाळे . . . . !

एक चंद्र ॠतूरंगी

चैतन्याने फुलारतो

कवितेच्या रोमरोमी

अलगद विसावतो……!

एक चंद्र शरदाचा

मनी आशा जागवतो

तरू निष्पर्ण होताना

रोमरोमी फुलारतो. . . . !

© विजय यशवंत सातपुते