मराठी साहित्य – कविता ☆ विजय साहित्य #140 ☆ गणाधीश गणपती ☆ कविराज विजय यशवंत सातपुते ☆

कविराज विजय यशवंत सातपुते

कवितेचा उत्सव # 140 – विजय साहित्य

☆ गणाधीश गणपती ☆ कविराज विजय यशवंत सातपुते ☆

माझा गणपती बाप्पा

कलागुण अधिपती

आद्य काव्य लेखनिक

गणाधीश गणपती…! १

माझा गणपती बाप्पा

पाई जास्वंदीचे फूल

लोटांगण देवा तुला

नको संकट चाहूल….! २

अष्ट विनायक क्षेत्री

पाहू तुझे निजरूप

सुखकर्ता दुःख हर्ता

परीमळे दीप धूप….! ३

गौरी पुत्र गजानन

लंबोदर एकदंत

आहे संकट नाशक

दूर करी क्लेष खंत….! ४

माझा बाप्पा गणपती

माझा सखा सवंगडी

जपोनीया ठेवितसे

गोड गुपिते ती बडी…..! ५

कार्यारंभी स्तवनाने

कार्य निर्विघ्न सफल.

आहे ओंकार स्वरूप

विघ्नेश्वर हा सकल…..! ६

कला आणि विद्याधीश

माझा बाप्पा गणपती

नाम संकीर्तनी वाढो

कविराज मतीगती……!७

© कविराज विजय यशवंत सातपुते