मराठी साहित्य – कविता ☆ विजय साहित्य #141 ☆ निरोपारती ☆ कविराज विजय यशवंत सातपुते ☆

कविराज विजय यशवंत सातपुते

कवितेचा उत्सव # 141  – विजय साहित्य 

☆ निरोपारती ☆ कविराज विजय यशवंत सातपुते ☆

गौरी सोबत, देव चाललें,

आता निजधामा

निरोपारती,स्विकारूनीया,

निरोप हा घ्यावा…|| धृ.||

उत्सव खासा, रजेमजेचा,

आहे वरदायी

परंपरेचा, कलागुणांचा,

 ठेवा फलदायी

स्वागत झाले, गणरायाचे,

मोद घरी न्यावा…|| १.||

लाडू मोदक, शमी केवडा,

ताजी दुर्वादले

भाव भक्तीचे, कलागुणांचे,

केले रे सोहळे

यथामतीने,यथाशक्तिने,

पुजार्चंन देवा…|| २.||

रोज नव्याने,तुझी आरती,

श्रद्धा हृदयांत

गौरी पूजन, भव्य सोहळा,

उत्सव रंगात

आरासशोभा,विद्युतमाळा,

नेत्री दडवावा… || ३.||

पंचपक्वान्ने,फळाफुलांनी,

भरली रे ओटी

गणेश गौरी,ध्यास घराला,

कीर्ती तुझी मोठी.

सरीता आली,तुला न्यायला,

यावे गणराया…|| ४.||

© कविराज विजय यशवंत सातपुते