मराठी साहित्य – कविता ☆ विजय साहित्य #170 ☆ डाॅ. बाबासाहेब आंबेडकर – संघर्ष जीवनाचा…! ☆ कविराज विजय यशवंत सातपुते ☆

कविराज विजय यशवंत सातपुते

कवितेचा उत्सव # 170 – विजय साहित्य

☆ डाॅ. बाबासाहेब आंबेडकर – संघर्ष जीवनाचा…! ☆ कविराज विजय यशवंत सातपुते ☆

☆

डाॅ.  बाबासाहेब आंबेडकर

कार्यप्रवण तो संघर्ष जीवनाचा

राज्य घटना शिल्पकार हे

नाव नसे ध्यास असे जगण्याचा. . . !

रामजीचा ज्ञानसूर्य शोभला

भिमाईचा मातृभक्त लेक लाडका

राज्य घटनेचा रचयिता

दीन दलितांचा प्राण बोलका. . . !

सदैव लढले, लढत राहिले

विचार आणि कतृत्वाने

समाज बांधव उद्धाराला

सदैव तत्पर निर्धाराने.. . !

राज्य करीते मनामनावर

संघर्षांचे सचेत पाऊल

डाॅ.  बाबासाहेब आंबेडकर

उत्कर्षाची मनास चाहूल. . . . !

देशोदेशी तुमचा डंका

निळ्या नभाचा मंत्र महान

शिका ,लढा नी संघटीत व्हा

उद्धारक हे बोल नव्हे वरदान.. . !

☆

© कविराज विजय यशवंत सातपुते

Print