मराठी साहित्य – कविता ☆ विजय साहित्य #183 ☆ मनी‌मानसी… ☆ कविराज विजय यशवंत सातपुते ☆

कविराज विजय यशवंत सातपुते

कवितेचा उत्सव # 183 – विजय साहित्य

☆  मनी‌मानसी… ☆ कविराज विजय यशवंत सातपुते ☆

(वृत्त : पृथ्वी ) २४ मात्रा प्रत्येक ओळींत

मनपटलावर काजळकांती

कुणी कोरली

तुझ्या घराची वाट वसंता दुःख

घालवी

नको अबोला,नकोच सलगी,

प्रेम राहुदे

तुझ्या घराचे दार मोकळे,चैत्र पालवी.

हवी कशाला, सुखे उशाला,रहा अंतरी

तना मनाची, शाल धुक्याची, सौख्यसुंदरी

सुर्यगंध नी शब्दसुतेची काव्यस्पंदने

सुमन शलाका,प्रेम प्रितीची,

स्नेह मंदिरी.

आधाराची, प्रेमळ छाया, जगण्याचे बळ

जीवननौका,तरंग केशर,

तरते अविचल

ऋणानुबंधी, जुळले धागे,

संचित ठेवा

मित्र मिळावा,तुझ्या सारखा,

पचवी वादळ.

एक मागणे,तुला ईश्वरा, रहा पाठिशी

सखा सोबती, अतूट नाते, असो गाठिशी

नाना‌रूपे,भेट जीवनी, तू वरचेवर

गोंदण झाले, तव स्नेहाचे,

मनी मानसी.

© कविराज विजय यशवंत सातपुते