श्री तुकाराम दादा पाटील
कवितेचा उत्सव
🇮🇳 आज तिरंगा… 🇮🇳 श्री तुकाराम दादा पाटील … ☆
भारत माते नभांगणावर उंच फडकतो आज तिरंगा
मी तेजाचे प्रतीक आहे हेच सांगतो आज तिरंगा
समता ममता प्रेम जिव्हाळा एक दिलाने इथे नांदतो
लोक मतांच्या स्वातंत्र्याचा मान राखतो आज तिरंगा
भविष्य उज्वल घडवायला नव्या योजना अंगिकारतो
क्षितिजा वरती आकांक्षांचे गाव कोरतो आज तिरंगा
सरस्वतीची बांधून पूजा अभिमानाने ज्ञान मिळवतो
खडतर वाटा ओलांडत मग खूप राबतो आज तिरंगा
इतिहासाच्या परंपरांचे वैभव आहे त्याच्या संगे
संस्काराचा अगणीत ठेवा स्वये राखतो आज तिरंगा
मनासरखे घडवायाचे तर मग राखा बळ ऐक्याचे
भारतियांना आग्रहपूर्वक हेच बोलतो आज तिरंगा
© श्री तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
