मराठी साहित्य – कवितेचा उत्सव ☆ मनं पाखरू ! ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

मनं पाखरू !   श्री प्रमोद वामन वर्तक  

मनं पाखरू पाखरू

परी हलके पिसागत,

जाई साता सुमद्रापार

क्षणी बेभान वेगात !

मनं पाखरू पाखरू

सारा सयीचा खजिना,

इथे दुःखी जखमांना

कधी जागाच पुरेना !

मनं पाखरू पाखरू

घर बांधे ना फांदीवर,

नेहमी शोधित फिरे

वृक्ष साजिरा डेरेदार !

मनं पाखरू पाखरू

पंख याचे भले मोठे,

दृष्टीआडचे सुद्धा

कवेत क्षणात साठे !

मनं पाखरू पाखरू

वारा प्यालेले वासरू,

बसे ना कधी वेसण

सांगा कसे आवरू ?

© श्री प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈