श्री प्रमोद वामन वर्तक
कवितेचा उत्सव
सावली… 
श्री प्रमोद वामन वर्तक
जन्मासवे प्रत्येकाच्या
होई बघा जन्म हिचा,
ठेवणी प्रमाणे शरीराच्या
असती खाचा खोचा !
पुढे सरकता दिनमान
बदले पहा हिचा ढंग,
कोणाचीही असली
तरी तिचा एकच रंग !
येता सूर्य डोक्यावरी
होई शरीरी एकरूप,
जाता तो मावळतीला
उंची तिची वाढे खूप !
पडता पाऊस धरेवरी
गायब झाली वाटे,
येता पुन्हा सूर्य प्रकाश
लगेच बघा प्रकटे !
येता अंगावरी संकटे
सगे सोडतील साथ,
पण शब्द देतो तुम्हा
नाही करणार ही अनाथ !
सा व ली !
© प्रमोद वामन वर्तक
स्थळ – बेडॉक रिझरवायर, सिंगापूर.
मो – 9892561086, (सिंगापूर)+6594708959
ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
