श्रीशैल चौगुले
कवितेचा उत्सव
☆ काळ… ☆ श्रीशैल चौगुले ☆
मागे काळ पुढे काळ
आयुष्याची रेषा भाळ
काळाचे विश्व बांधिल
विठ्ठल रुप वेल्हाळ.
जावे पंढरी एकदा
पहावे त्या पांडुरगा
भयही त्याच काळाला
महिमा चिपळी-टाळ.
किती भोग चैन-सुखे
अंतिम क्षणी संगती
चैत्यनाला विझवून
विधी सांगे सत्य काळ.
अदृश्याने नित्य सवे
तोच काया क्रीया जंत्री
काळ साम्राज्य अमर
विठ्ठल कृपा आशाळ.
© श्रीशैल चौगुले
९६७३०१२०९०
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
