महंत कवी राज शास्त्री
हे शब्द अंतरीचे # 110
☆ कधी वाटते… ☆
कधी वाटते, उगे मौन्य व्हावे
कधी वाटते, संवाद साधावे.!!
कधी वाटते, मी कशातच नसावे
कधी वाटते, सर्वास मी दिसावे.!!
कधी वाटते, अंतरंग प्रगटावे
कधी वाटते, त्यास आवरावे.!!
कधी वाटते, कलह नकोच काही
कधी वाटते, का बळे सहन करावे.!!
कधी वाटते, विजनवास असावा
कधी वाटते, सहवास मिळावा.!!
मनाचा गुंता, सुटता ही सुटेना
व्यथा अंतरिची, बोलता बोलवेना.!!
ही भावना, जाणतो फक्त कृष्णस्वामी
आहे कृपाळू भगवंत, प्रभू अंतर्यामी.!!
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
