श्री प्रमोद वामन वर्तक
कवितेचा उत्सव
कर्म आणि मर्म श्री प्रमोद वामन वर्तक 
कर्म…
जे असते लिहिले यात
नाही कधीच चुकायचे,
याच जन्मी इथेच सारे
सर्वांनी बघा भोगायचे !
आपले आपण करावे
न धरीता फळाची आशा,
मग कधी पडणार नाही
पदरी तुमच्या निराशा !
… आणि मर्म !
अती जवळ येता कोणी
तो सारे आपले जाणतो,
मतलब साधण्या स्वतःचा
यावर नेमके बोट ठेवतो !
यात बांधून कुणी ठेव
ती आयुष्यभर जपतो,
कोणी दुखवण्या कोणा
यावर तो घाव घालतो !
© प्रमोद वामन वर्तक
दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086
ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
