श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 141 – शुक्रतारा ☆
☆
खुणावतो शुक्रतारा
साद घाली मंद वारा।
श्यामरंगी रंगलेला
हा निशेचा रंग न्यारा ।
☆
तेज भारे उमलणारा
तारकांचा हा फुलोरा
रातराणीच्या फुलांनी
व्यापलेला गंध सारा।
☆
रजनीकांता साद घाली
मुग्ध धुंद ही निशा रे।
भाव वेड्या या फुलांना
वेड लावी ही दिशा रे।
☆
कल्पनेचे पंख न्यारे
मन मयूरा लाभले रे।
दंग झाले विश्व सारे
नृत्य छंदी व्यापले रे ।
☆
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
