श्री प्रमोद वामन वर्तक
कवितेचा उत्सव
😅 फा र क त…वयाशी ! 😅 श्री प्रमोद वामन वर्तक 
येता कधीतरी कंटाळा
वाटतो बदलावा रस्ता,
असते कठीण मोडणे
आपला रोजचा शिरस्ता !
वाट बदलता रुळलेली
मन करी खळखळ,
शंकासूर बघा मनातला
करू लागे वळवळ !
असतील काटे वाटेवर
का असेल मऊ हिरवळ,
शंका कुशंकांचे उठे मनी
नको वाटणारे मोहोळ !
होता द्विधा मनस्थिती
पहिले मन खाई कच,
दुसरे सांगे बजावून
साध खरा मौका हाच !
पण
सांगतो तुम्हां करू नका
मन व वयाची गफलत,
जगा कायम तरुण मनाने
घेवून वयाशी फारकत !
© प्रमोद वामन वर्तक
११-०२-२०२३
दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
