सौ. उज्वला सुहास सहस्रबुद्धे
☆ वळीव ☆ सौ. उज्वला सुहास सहस्रबुद्धे ☆
आला वळीव वळीव,
विझवी होळीच्या ज्वाळा!
धरती ही थंडावली ,
पिऊन पाऊस धारा !
मृदगंध हा सुटला ,
वारा साथीने फिरला!
सृष्टीच्या अंतरीचा ,
स्वर आनंदे घुमला!
गेली सूर्याची किरणे,
झाकोळून या नभाला !
आज शांतवन केले,
माणसाच्या अंतराला!
तप्त झालेले ते मन ,
अंतर्यामी तृप्त तृप्त!
सूर्या, दाहकता नको,
मना करी शांत शांत !
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
