मराठी साहित्य – कवितेचा उत्सव ☆ गुढी उभारु या ☆ सौ. विद्या वसंत पराडकर ☆

सौ. विद्या वसंत पराडकर

 कवितेचा उत्सव 

🌷 गुढी उभारु या 🌷 सौ. विद्या वसंत पराडकर ☆

नव‌ वर्षाच्या प्रारंभी गुढी उभारु या

चैत्र शुद्ध प्रतिपदेस गुढी उभारु  या

श्रीराम चंद्राचा देश आमचा

विजयश्रीचे प्रतीक म्हणूनी गुढी उभारु या 🍀

गुढी उभारु आनंदाची

गुढी उभारु सौजन्याची

गुढी उभारु नव संकल्पाची

नव राष्ट्राच्या उत्कर्षाची  🍀

सृजनतेला वाव देवुनी

ध्येयाचे कंकण बांधुनी

प्रेमभाव मनी धरुनी

समानतेची गुढी उभारु या🍀

स्वराज्याचे रक्षण करण्या

देशहिताचे कार्य साधूनी

भ्रष्टाचाराचा त्याग करुनी

 सदाचार करता गुढी उभारु या🍀

विज्ञान व अध्यात्म संगम करुनी

माणूसकीची कास धरुनी

निरपेक्ष धर्म‌ पाळूनी

एकात्मतेची गुढी उभारु या 🍀

प्रत्यक्ष कृतीचा अवलंब करुनी

मानव्याची निर्मिती करुनी

अंहकाराचे उच्चाटन करुनी

विशाल दृष्टीची गुढी उभारु या 🍀

© सौ विद्या वसंत पराडकर

वारजे पुणे.

ई मेल- [email protected]

मो.नंबर – 91-9225337330 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈