महंत कवी राज शास्त्री
हे शब्द अंतरीचे # 124
☆ प्रश्न बहु, गांभीर्याचा… ☆
(स्त्रीच्या मनाची वेदना..)
स्त्रीच्या मनाची वेदना
मौन्य असते ललना
कशा मांडाव्या वेदना
शब्द तिज सापडेना.!!
स्त्रीच्या मनाची वेदना
प्रश्न बहु, गांभीर्याचा
जरी आहे महत्वाचा
कुणी बरे मांडायचा.!!
स्त्रीच्या मनाची वेदना
हर्ष तिज नसे कधी
पूर्ण आयु, कष्टी दुःखी
साहे तिची, तिचं व्याधी.!!
स्त्रीच्या मनाची वेदना
सल सलत राहते
वर अंगरखा छान
आत जखम असते.!!
स्त्रीच्या मनाची वेदना
प्रेम तिजला मिळावे
पोट मारून जगते
स्नेह भाष्य असावे.!!
स्त्रीच्या मनाची वेदना
राज माझे उक्त केले
शब्द प्रपंच उद्योग
ऐसे हे, लिखाण झाले.!!
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
