श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 150 – हा मार्ग संकटांचा ☆ श्रीमती रंजना मधुकरराव लसणे ☆
☆
हा मार्ग संकटांचा, अंधार दाटलेला।
शोधूकसा निवारा, जगी दंभ दाटलेला।धृ।।
☆
हे मोहपाश सारे, अन् बंध भावानांचे।
मी दाखवू कुणाला, आभास वेदनांचे।
प्रेमात ही आताशा, हा स्वार्थ साठलेला।।१।।
☆
लाखोत लागे बोली, व्यापार दो जिवांचा।
हुंड्या पुढे अडावा, घोडा तो भावनांचा ।
आवाज प्रेमिकांचा, नात्यात गोठलेला।।२।।
☆
ही लागता चाहूल, अंकूर बालिकेचा।
सासूच भासते का, अवतार कालिकेचा।
खुडण्यास कळीला, हा बाप पेटलेला।।३।
☆
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
