श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 153 – तुझी गर्द छाया ☆ श्रीमती रंजना मधुकरराव लसणे ☆
☆
मला आठवे ती तुझी आर्त माया।
पिलांच्या शिरीवर तुझी गर्द छाया।
किती राबला तू जिवाचा उन्हाळा ।
तुझ्या रोमरंध्री झरे तो जिव्हाळा ।
मनी स्वप्न वेडे पिलींची भरारी।
गरे गोड सारे फणस ते करारी।
समजतो पिलांना उशीराच बाबा।
नसे आसवांना तो जाताच ताबा।
अशी कौतुकाची पुन्हा थाप यावी।
तुझी गोड वाणी कानी घुमावी।
☆
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
