महंत कवी राज शास्त्री
हे शब्द अंतरीचे # 133
☆ अभंग – एक कृष्ण सखा ☆
श्रीकृष्ण भक्तीचे, महत्व ओळखा
स्वतःला पारखा, स्व-बुद्धीने.!!
स्वतःच्या मुक्तीचा, विचार करावा
सार ही जाणावा, जीवनाचा.!!
इथे नाही कुणी, वाली या जीवाचा
आणि कैवाराचा, योग्य-भावे.!!
एक कृष्ण सखा, तोचि देव खरा
जीवाचा सोयरा, नित्य-कृष्ण.!!
कवी राज म्हणे, देव हा स्मरावा
हृदयी धरावा, मनोभावे.!!
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
