मराठी साहित्य – कवितेचा उत्सव ☆ आयुष्याचे मोजमाप… ☆ सौ.अस्मिता इनामदार ☆

सौ.अस्मिता इनामदार

 कवितेचा उत्सव  

☆ आयुष्याचे मोजमाप… ☆ सौ.अस्मिता इनामदार ☆

मी आता सोडून दिलंय

आयुष्याचं मोजमाप घेणं

करायचंय काय घेऊन

कुणाला आहे त्याचं देणं ?

दरवर्षी येतोच ना पावसाळा

तितकाच येतो कडक उन्हाळा

तशाच सोसल्यात मीही

सुखाबरोबर दु:खाच्या झळा..

हसले किती आनंदात

भिजले तशीच संकटात

आधार नव्हता कुणाचाही

तरीही चालले फुफाट्यात..

आता सारी पार केलीत

संसारातली धोक्याची वळणं

म्हणून आता सोडून दिलंय

आयुष्याचं मोजमाप घेणं…

© अस्मिता इनामदार

पत्ता – युनिटी हाईटस, फ्लॅट नं १०२, हळदभवन जवळ,  वखारभाग, सांगली – ४१६ ४१६

मोबा. – 9764773842

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈