श्री प्रमोद वामन वर्तक
कवितेचा उत्सव
विनवणी ! श्री प्रमोद वामन वर्तक 
खळ नाही तुझ्या आभाळा
अविरत धरलीस धार,
केलास इरशाळवाडीमधे
तूच भयंकर कहर !
घे उसंत आता जराशी
नदी नाल्या आले पूर,
ओल्या दुष्काळाचे सावट,
करू लागले मनी घर !
धीर सुटे बळीराजाचा
पाणी डोळ्याचे खळेना,
उघड्या डोळ्यांनी पाहे
पेरणीच्या शेताची दैना !
कर उपकार आम्हावर
पुन्हा एकदा विनवितो,
भाकर तुकडा लेकरांचा
सांग कशास पळवतो ?
सांग कशास पळवतो ?
© प्रमोद वामन वर्तक
दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
