सौ. उज्वला सुहास सहस्रबुद्धे
☆ ओढ पावसाची… ☆ सौ. उज्वला सुहास सहस्रबुद्धे ☆
आतुरले मन माझे,
घनाने बरसावे !
तुझ्या जलधारात,
मी चिंब चिंब भिजावे!
किती ओढ घेई तू,
तृषार्त मी, तृषार्त मी!
एक एक थेंबासाठी,
मनी झुरत आहे मी!
तुझ्या मनाची मर्जी,
सत्त्व पाहते सर्वांचे !
आभाळाकडे डोळे लावून
सुकले गं डोळे त्यांचे!
हिरवाई बहराचे दिवस,
असे दिसती सुकलेले !
एकेक दिवस जाई ,
मन माझे मिटलेले !
लवकर ये सत्वरी,
वाट पाही भूवरी!
शांतव तू जीवाला,
हीच ओढ अंतरी !
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
