सुश्री दीप्ती कुलकर्णी
कवितेचा उत्सव
☆ कविता माझी… ☆ सुश्री दीप्ती कुलकर्णी ☆
वेगे येते,ठाव ही घेते
सर्वांसाठी वेधक ठरते
कधी सुखाचे, सडे शिंपते
दु:खाने कधी ,मनास भिडते.
शब्दांचाही साज मिरविते
प्रतिभेचेही लेणे लेते.
एकलीच मी कधी न उरते
सांगाती ती सदाही ठरते.
माझी कविता,क्षणात स्फुरते
कविता माझी,सोबत करते.
© सुश्री दीप्ती कोदंड कुलकर्णी
हैदराबाद.
भ्र.९५५२४४८४६१
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
