श्री प्रमोद वामन वर्तक
कवितेचा उत्सव
☆ कार्तिकी एकादशी ! ☆ श्री प्रमोद वामन वर्तक ☆
☆
आज विठूरायाचे दर्शन
झाले सकलां सुलभ,
माऊलीच्या भेटीने
नयनी दाटती अश्रुंचे नभ !
आज झाली कार्तिकी
सार्थकी तुझ्या दर्शनाने,
फिटले जन्मोजन्मीचे ऋण
झालो तुझाच तनमनाने !
अवघा देह झाला पांडुरंग
थरथरली आनंदाने काया,
जोवरी जीव या देहात
राहू दे अशीच तव माया !
आता मागतो एक मागणे
देवू नको अंतर पामरा,
करून सुखी सकल जनांसी
चालव विश्वाचा पसारा !
चालव विश्वाचा पसारा !
☆
© प्रमोद वामन वर्तक
सध्या सिंगापूर 9892561086
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
