श्री तुकाराम दादा पाटील
कवितेचा उत्सव
☆ गफलत… ☆ प्रा तुकाराम दादा पाटील ☆
☆
गेलो हरवत तू दिसल्यावर
समेट घडला त्याच्या नंतर
☆
पुन्हा सारख्या घडल्या भेटी
मिटले तेव्हा सगळे अंतर
☆
इतिहासाने दखल घेतली
शिल्प कोरले तनामनावर
☆
उन्हात आपण छान बांधले
नाही टिकले वाळूचे घर
☆
लळा जिव्हाळा लावत गेलो
दगडाला ही फुटला पाझर
☆
शब्दांची ही गफलत झाली
दोघांचे ही समान उत्तर
☆
दुरावताना कळले नाही
कोण चुकीचे कोण बरोबर
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
