कविराज विजय यशवंत सातपुते
कवितेचा उत्सव # 201 – विजय साहित्य
☆ अनुभूती ☆ कविराज विजय यशवंत सातपुते ☆
☆
आई नावातच आहे
ईश्वराचा सहवास
वात्सल्याची अपुर्वाई
आई माहेराचा श्वास..! १
आई जगते जन्मते
लेकरांच्या पाठोपाठ
कुटुंबाच्या स्वास्थासाठी
सात जन्म बांधी गाठ..! २
आई हाक काळजाची
आई हळवेला सूर
कसा कोण जाणे येतो
झणी आठवांना पूर…! ३
आई आशिर्वादी हात
संस्कारांची जपमाला
आई शब्दांचे जीवन
देते विश्व जगायाला..! ४
आई अशी आई तशी
औक्षवंत करी बाळा
तिच्या दिठीत भरला
सुख सौभाग्याचा चाळा..! ५
आई आहे अनुभूती
ज्याने त्याने जपलेली
भावनांच्या काळजात
सुखेनैव लपलेली…! ६
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
