सुश्री दीप्ती कुलकर्णी
☆ कवितेचा उत्सव ☆ लपंडाव ☆ सुश्री दीप्ती कुलकर्णी☆
अशीच एक सायंकाळ
विरहाने व्यापलेली
दुःखाने ओथंबलेली
अस्वस्थतेच्या गाभार्यात
खोलवर दडलेली
अशीही एक सायंकाळ
हास्याने फुललेली
आनंदाने बहरलेली
उत्फुल्लतेच्या जाणिवेत
उत्साहाने ओसंडलेली
ही संध्या-ती संध्या
कोण ही?कुठली ती?
नव्हे ,हा तर खेळ असे
लपाछपीचा-सुखदुःखांच्या पाठशिवणीचा.
© सुश्री दीप्ती कुलकर्णी
कोल्हापूर
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
