सौ. उज्वला सुहास सहस्रबुद्धे
☆ नवीन वर्ष… ☆ सौ. उज्वला सुहास सहस्रबुद्धे ☆
☆
नवीन दिवस, नवीन वर्ष ,
कालचक्रातील पुढची आरी !
कितीक गेल्या फिरत फिरत,
आत्ताची ही आहे न्यारी !….१
☆
काळाच्या गतीतील एक वर्ष,
देऊन गेले कितीक गोष्टी ,
जगण्यासाठी समृद्ध अनुभव,
बांधला गेला अपुल्या गाठी !…२
☆
रहाटगाडगे कालचक्राचे,
विश्वामध्ये फिरत रहाते !
प्रत्येक पोहरा भरून येतो,
अनुभव त्याचे करित रिते !….३
☆
कालचक्रावर असतो आपण,
एक अस्तित्व ते बिंदू मात्र !
त्या बिंदू चे नाते असते,
परमात्म्याशी परम पवित्र!….४
☆
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
