सौ. शुभदा भास्कर कुलकर्णी (विभावरी)
कवितेचा उत्सव
🍁 नववर्षाचे स्वागत🍁 सौ. शुभदा भास्कर कुलकर्णी (विभावरी) ☆
ऋतू मागूनी ऋतू हे येतील
रोज नव्याची ओळख देती
नववर्षाच्या प्रथम दिनाची
हर्षभराने महती गातीला ||
पूर्व दिशेला क्षितिजा वरती
केशर रंगी शिंपण होईल
नव्या दिशेसह नव आशेची
सूर्यकिरणे देतील चाहूल ||
मनामनांच्या तिमिरामधले
दूर सारुनी सगळे वादळ
आज सुंदर आणि शुभंकर
आपण सारे उचलू पाऊल ||
मिळूनी आपण एक दिलाने
नववर्षाचे स्वागत करूया
आयुष्याच्या या वळणावरती
कला गुणांचा आस्वाद घेऊया ||
हास्यांची जमवू मैफिल
निरामय हे जीवन होईल
स्मरण ठेवू या परमेशाचे
नववर्ष हे सुखमय होईल ||
प्रस्तुती – शुभदा भास्कर कुलकर्णी (विभावरी)
कोथरूड-पुणे.३८.
मो.९५९५५५७९०८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
