सुश्री वर्षा बालगोपाल
कवितेचा उत्सव
☆ सावित्रीबाई… ☆ सुश्री वर्षा बालगोपाल ☆
☆
ज्योती ‘बा’ समान झाले
माय ही सावित्रीबाई
ज्योती झाली शिक्षणाची
जगी मोठी क्रांती होई ||
☆
पद शिक्षण पथीचे
सोपे नव्हते कदापि
पद क्रांतीचे गायिले
महिलांनी हो तथापि ||
☆
पुसा प्रश्न कोणालाही
तिचा त्याग धैर्य कळे
पुसा अज्ञानाचा शाप
चाखा स्त्री कर्तृत्व फळे ||
☆
ठेव वर्तन संयमी
होईल ईप्सीत साध्य
ठेव मनात सावित्री
साई समान आराध्य ||
☆
सावित्री ही ज्ञानगंगा
सर्व जगात वहाते
सावित्री नाव हे सार्थ
कृतीतूनच बोलते ||
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
