श्री तुकाराम दादा पाटील
कवितेचा उत्सव
☆ विनंती… ☆ प्रा तुकाराम दादा पाटील ☆
☆
जिकडे बघतो तिकडे मजला
रघुनंदन दिसतो
स्वर्ग सुखाच्या अभिनवतेचे
स्वप्न रोज पाहतो
किती काळ लोटला कळेना
विसरत गेलो सारे
पुराणातल्या कथा वाचतो
वर्तमान ही बघतो
सुवर्ण भूमी होता भारत
सतत वाचले आहे
आजकालच्या वास्तवतेने
मनात केवळ झुरतो
इथे नांदण्या रामराज्य तर
देव म्हणे अवतरतो
हीच खरी तर श्रद्धा ठेवतं
जमेल तसले जगतो
फक्त जगाया हवे आता तर
बाळगतो ही इच्छा
विपरीत सारे सुरळीत होण्या
श्री रामाला भजतो
कधी यायचे रामराज्य हे
हीच लागली चिंता
दिशाभूल का होत चालली
जगता जगता म्हणतो
मळभ मनातील दूर व्हायला
उपाय नाही काही
मार्ग दाखवा तुम्हीच रामा
हीच विनंती करतो
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
