श्री प्रमोद वामन वर्तक
कवितेचा उत्सव
☆ शब्द, देह, रोमांच ☆ श्री प्रमोद वामन वर्तक ☆
☆
जड बोजड शब्दांचा
नको कवितेत पसारा,
साध्या सोप्या शब्दांनी
फुलूदे तिचा पिसारा !
☆
अर्थ भिडता हृदयाला
डोळे भरून यावेत,
नकळत उचलून तिला
कुणीही घ्यावी कवेत !
☆
वाचतांना अर्थगर्भ रचना
काटा अंगावरी फुलावा,
रोमांचित करुनी अंग अंग
अवघा देहची शब्द व्हावा !
अवघा देहची शब्द व्हावा !
☆
© प्रमोद वामन वर्तक
सध्या सिंगापूर 9892561086
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
