श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # 223
☆ आत्मबोध… ☆ श्री अशोक श्रीपाद भांबुरे ☆
☆
जरी कधीही केले माझे स्वागत नाही
तरी फूल ते काटेरी मज बोचत नाही
*
कुंतलातला गजरा आहे तिला शोभतो
नको लपेटू हाती गजरा शोभत नाही
*
झाड फळांनी बहरुन आले पोरे जमली
शिशिर पाहुनी कुणीच आता थांबत नाही
*
वस्त्र तोकडे रात्री पोरी नाचत होत्या
असा अवेळी मोर कधीही नाचत नाही
*
घरोघरी बघ बर्गर पिज्जा येतो आता
कुणीच कृष्णा लोणी आता चाखत नाही
*
आत्मबोध अन नंतर चिंतन व्हावे त्याचे
श्रद्धा नाही तिथे देवही पावत नाही
*
रीत सांगते संध्यास्नाना नंतर भोजन
असले बंधन कुणी फारसे पाळत नाही
☆
© श्री अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
