सौ. उज्वला सुहास सहस्रबुद्धे
☆ प्रेमलता… ☆ सौ. उज्वला सुहास सहस्रबुद्धे ☆
☆
सहज ची भेटता तू अन् मी,
काही चमकले हृदयीच्या हृदयी!
बीज अचानक मनी पेरिले,
प्रीतीचे का काहीतरी !….१
*
तिसऱ्या दिवशी सूर्यप्रकाशी,
बीज अंकुरे मम हृदयी,
प्रेम पाण्याचे सिंचन करता,
अंकुर वाढे चौथ्या दिवशी!…२
*
पाचव्या दिवशी रोप वाढले,
मनी वाढली प्रेम अन् आशा!
प्रीत फुल उमलले त्यावरी,
‘प्रपोज डे’ च्या सहाव्या दिवसा!…३
*
‘व्हॅलेंटाईन डे’ च्या सातव्या दिवशी,
फूल प्रीतीचे मिळे मला ,
परिपक्व प्रेम उमटले हृदयी ,
समर्पित केले मी हृदयाला!…४
*
फुल बदलले फळात तेव्हा ,
प्रीत मिळाली मनासारखी!
प्रेमलतेच्या बहराने मज,
प्रेमाचा ठरलो रत्नपारखी!…५
☆
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
