श्रीशैल चौगुले
कवितेचा उत्सव
☆ परमोच्च अनुभव… ☆ श्रीशैल चौगुले ☆
☆
काटेरी टोकावरचे पाखरु
अनुभवाचा परमोच्च क्षण
आता उरते आभाळ कवेत
पंखभरारी अंतीमात मन.
*
गुंतावा सोडवावा अंतरिचा
मोहाला संपवित ते सदन
भाव एकरुप आशा संपुष्टी
वेदना दुःख,पराकोटीचे धन.
*
फडफड झाली हृदयी बळ
अन् चैतन्याचे तारे कण
भेद नाही मृदा क्षितीजात
त्याही पलिकडे मोक्ष ऋण.
*
झुपूर्झा’टोकावर हिंदोळून
आत्मअलिप्त कैवल्य तृण
चंद्र जणू भेटला जन्मात
तिमीर विरले मुक्ती विजन.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
