सौ. उज्वला सुहास सहस्रबुद्धे
☆ माय मराठी… ☆ सौ. उज्वला सुहास सहस्रबुद्धे ☆
☆
जन्म कुसुमाग्रजांचा,
अस्मिता महाराष्ट्राची !
भाग्यवंत आम्ही येथे,
जन्मलो महाराष्ट्र देशी !….१
*
माय मराठी रुजली ,
आमच्या तनामनात !
दूध माय माऊलीचे,
प्राशिले कृतज्ञतेत !…२
*
साहित्य अंकी खेळले,
लेख,कथा अन् काव्य !
मराठीने तेवला तो,
ज्ञानदीप भव्य दिव्य !….३
*
घेतली मशाल हाती,
स्फुरे महाराष्ट्र गान !
साधुसंत न् शौर्याचे,
राखले जनी हे भान!….४
*
लाडकी मराठी भाषा,
कौतुक तिचे करू या!
मी मराठी आहे याचा,
अभिमान बाळगू या!….५
☆
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
