सुश्री दीप्ती कुलकर्णी
कवितेचा उत्सव
☆ अमृतवेल… ☆ सुश्री दीप्ती कुलकर्णी ☆
(माझ्या दृष्टीने कविता ही अमृतवेल आहे.ही अमृत वेल कशी आहे हे कवितेतून सांगण्याचा प्रयत्न.)
☆
ही अशी वेल ही
कुठुन ही जन्मली ?
कुणी हिला फुलविले ?
कुणी हिला वर्धिले ?
हृदयाच्या आर्ततेने,
आत्म्याच्या साक्षीने,
निसर्गाच्या स्पर्शाने
प्रतिभाही जन्मली
कविता ही उमलली
प्रेमाच्या जाणिवेने
अमृताच्या सिंचनाने
ही अशी बहरली
आसमंते विहरली
ही अशी वेल ही ||
☆
© सुश्री दीप्ती कोदंड कुलकर्णी
हैदराबाद.
भ्र.९५५२४४८४६१
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
