सुश्री वृंदा (चित्रा) करमरकर
कवितेचा उत्सव
☆ तुझ्या रंगात… ☆ सुश्री वृंदा (चित्रा) करमरकर ☆
☆
पाहिले मी तुला अन मनात रंग सांडले
काळजात माझ्या कधीच मी तुला रे मांडले
*
भाव तुझ्या डोळ्यातून बरसले चिंब असे
होऊनी मी गेले तुझी कळले ना मला कसे ?
*
जवळून तू जाताना , हळुवार मत्त गंध
गंधाळून मन हे माझे, तुझ्यासाठी धुंद-फुंद
*
रंगात तुझ्या रंगूनी जाहले मी वेडीपिशी
ऐकताच मुरलीरव मन रमले तुजपाशी
*
आतुरल्या या मनास तव संगतीची आस
क्षणोक्षणी इथे तिथे रात्रंदिन तुझेच भास
☆
© वृंदा (चित्रा) करमरकर
सांगली
मो. 9405555728
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
