महंत कवी राज शास्त्री
हे शब्द अंतरीचे # 167
☆ पिकलेली दाढी… ☆ महंत कवी राज शास्त्री ☆
☆
पिकलेली दाढी माझी
मला काही सांगू लागली
सांगता सांगता तीच दाढी
माझ्यावरती हसू लागली.
*
पिकलेली दाढी माझी
संदेश मला देऊ लागली
मध्यंतर झाले तुझे
तुला नं याची चाहूल लागली.?
*
पिकलेली दाढी माझी
सत्यार्थ प्रगट करू लागली
येथे नं काही स्थिर मानवा
याची तुज रे, भूल पडली.
*
पिकलेली दाढी माझी
सत्य गूढ तिने उकलले
विचारशास्त्रात मी गढलो
माझे पाढे मीच वाचले.
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
