सुश्री दीप्ती कुलकर्णी
कवितेचा उत्सव
☆ गुढी-पाडवा… ☆ सुश्री दीप्ती कुलकर्णी ☆
☆
गुढी उभारु मांगल्याची
अस्मितेची,चैतन्याची
ज्ञानाची नि प्रगतीची
सहकार्याची,प्रेमाची ||१||
*
प्रतिष्ठेची,सन्मानाची
राष्ट्राला उद्धरण्याची
बंधुभावा जपण्याची
समतेची, मित्रत्वाची||२||
*
अपुर्णातुनी पूर्णत्वाची
करुणेची ,कोमलतेची
निष्ठेची नि पावित्र्याची.
गगनाला भिडण्याची ||३|
*
सजण्याची,सौंदर्याची
हर्षभरे नटण्याची
पुष्पांची नि सुपर्णांची
गंधित ही सुमनांची ||४||
*
चैत्रातील आमोदाची
पल्लवांची नि गंधांची
आकांक्षांची,उत्साहाची
अशी गुढी उत्कर्षाची ||५||
☆
© सुश्री दीप्ती कोदंड कुलकर्णी
हैदराबाद.
भ्र.९५५२४४८४६१
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
