श्री सुनील देशपांडे
कवितेचा उत्सव
☆ “मतदान करू…” ☆ श्री सुनील देशपांडे ☆
☆
चला चला मतदान करू
लोकराज्य मजबूत करू
*
लोकशाहीची फळे मधुर हो
मतदानास्तव तुम्ही चतुर हो
योग्य तया मतदान करू
लोकराज्य मजबूत करू
*
लोकशाही मजबूत हवी जर
पाऊस थंडी गर्मी जरी वर
केंद्रावरती गर्दी करू
लोकराज्य मजबूत करू
*
लोकशाहीचा उत्सव करूया
सुट्टी पिकनिक नंतर करूया
चला घरा बाहेर पडू
लोकराज्य मजबूत करू
☆
© श्री सुनील देशपांडे
मो – 9657709640
email : [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
