महंत कवी राज शास्त्री
हे शब्द अंतरीचे # 173
☆ अभंग… ☆ महंत कवी राज शास्त्री ☆
☆
भाव सुमनांची, गुंफुनिया माळ
भजनात काळ, घालवावा.!!
*
नका देऊ काही, अन्य भगवंता
कर्ता करविता, तोचि आहे.!!
*
त्यासी नचं लगे, द्रव्य प्रलोभन
त्यानेच निर्माण, केले सर्व.!!
*
स्वतःला ओळखा, स्वतःला पारखा
आखा लेखाजोखा, आयुष्याचा.!!
*
कवी राज म्हणे, भक्तीची आखणी
देईल पर्वणी, मुचण्याची.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
