श्री तुकाराम दादा पाटील
कवितेचा उत्सव
☆ निवारा… ☆ प्रा तुकाराम दादा पाटील ☆
☆
प्रियेला निर्दयी आता कशाला काय मागावे
तिचे काळीज दगडाचे तिथे तू नाव कोरावे
*
कशाला थांबतो येथे तुला ती टाळते आहे
तिच्यासाठी तुझे काही खुलासे नीट मांडावे
*
मनाचे पाखरू झाले फिरे आभाळ वाटेने
उगी जाळ्यात आशेच्या कशाला व्यर्थ गुंतावे
*
नको ती गोडवी स्वप्ने नको त्या फालतू आशा
भ्रमाच्या काळनिद्रेला खरे ते सत्य सांगावे
*
मनाचे वादळी वारे सुखाना घेवुनी गेले
जसे आहे तसे जगणे मिठीने घट्ट बांधावे
*
नको थांबायला कोठे ढगांच्या सावली खाली
निवारा शोधताना ही छळाशी सख्य जोडावे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
