श्री प्रमोद वामन वर्तक
कवितेचा उत्सव
☆ पं च सू त्री ! ☆ श्री प्रमोद वामन वर्तक ☆
☆
काम करतांना कुठलेही
अधिर व्हायचे नसते,
ते पूर्ण होई पर्यंत तरी
धीराने घ्यायचे असते !
*
बाजूला ठेवून “मी”पणा
सोडून द्या मनातले हट्ट,
नंतर प्रयत्न तरी करा
नाती होण्या सारी घट्ट !
*
ठेवा सवय ऐकायची
दुसऱ्याचे पण बोलणे,
वाजवू नका नेहमी
तुमचेच तुम्ही तुणतुणे !
*
राग येता कधी कोणाचा
नका काढू दुसऱ्यावर,
शिका थोडा ठेवायला
ताबा आपल्या मनावर !
*
आणि
*
लोकं म्हणतात नेहमी
नाही स्वभावाला औषध,
पण ठेवून बघा जीभेवर
थोडासा मधाळ मध !
थोडासा मधाळ मध !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
