कविराज विजय यशवंत सातपुते
कवितेचा उत्सव # 233 – विजय साहित्य
☆ स्नेहबंध…! ☆
☆
नाते हळवे सांगते
कसे राखावे अंतर
भावनांचे भावनांशी
अव्याहत मन्वंतर…!
*
राखी रेशमाचा धागा
राखी नाजूक बंधन
प्रेम माया संयमाचे
राखी दैवी संघटन…!
*
राखी ठेवते जोडून
देहातील माणसाला
राखी देते संजीवन
एक हळव्या नात्याला…!
*
राखी जाणिवांचा बंध
राखी बंधुत्वाची कास
निरपेक्ष प्रेम प्रिती
बंधुभाव रुजे खास…!
*
राखी आहे आश्वासक
नात्यातले भावबंध
त्याच्या तिच्या आठवांचा
राखी असे स्मृती गंध…!
*
बंधू भगिनी प्रेमात
राखी घेई खास जागा
स्नेह बंध अलबेला
रेशमाचा एक धागा…!
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
