श्री प्रमोद वामन वर्तक
कवितेचा उत्सव
☆ प्रतिभा… आणि प्रतिमा… ☆ श्री प्रमोद वामन वर्तक ☆
☆
प्र ति भा…
सारे जगात म्हणती
देवी शारदेच देणं,
नसे सर्वांच्या नशिबी
असलं सुंदर लेणं !
*
तो मातेचा अनुग्रह
मग हृदयी जाणावा,
निर्मून छान साहित्य
हात लिहिता ठेवावा !
☆
… आणि प्र ति मा !
ती जी दिसे आरश्यात
सांगा असते का खरी,
का खरी जपून ठेवी
जो तो आपल्याच उरी?
*
जी दिसे चार चौघात
खरंच फसवी असे,
प्रत्येकास दुसऱ्याची
नेहमीच खरी भासे !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
