कविराज विजय यशवंत सातपुते
कवितेचा उत्सव # 234 – विजय साहित्य
☆ अधिक मास दिवस पंधरावा…! ☆
☆
पौराणिक कथा,
वैज्ञानिक जोड
आहे बिनतोड,
कथासार…!
*
जाणूनीया घेऊ,
चांद्र, सौर ,मास .
कालाचा प्रवास, सालोसाल…!
*
कलेकलेनेच,
होई वृद्धी, क्षय
चंद्रबिंब पूर्ण,
पौर्णिमेस…!
*
पौर्णिमेच्या दिनी,
नक्षत्राचा वास
तोच चांद्रमास, ओळखावा…!
*
नक्षत्रांची नावे,
मराठी महिने
बारा महिन्यांचे,
चांद्रवर्ष…!
*
पौर्णिमांत आणि,
दुसरा अमात
चांद्रवर्ष रीत,
गणनेची…!
*
तिनशे चोपन्न ,
चांद्रवर्ष दिन
सौरवर्ष मोठे,
अकरानी…!
*
मासभरी सूर्य,
एकाच राशीत
म्हणोनी संक्रांत,
राशी नामी…!
*
हर एक मासी,
प्रत्येक राशीत
सूर्याची संक्रांत,
सौरवर्षी…!
*
मधु, शुक्र, शुचि ,
माधव, रहस्य.
इष नी तपस्य ,
संज्ञा त्यांच्या…!
*
अकरा दिसांचा,
वाढता आलेख
अधिकाची मेख, तेहतीस…!
*
कविराज लेखी,
अधिकाचा नाद
अंतर्यामी साद,
मानव्याची…!
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
