श्री तुकाराम दादा पाटील
कवितेचा उत्सव
☆ जगणे… ☆ प्रा तुकाराम दादा पाटील ☆
☆
साधे भोळे जगणे नाही
ते लाटांचा सागर आहे
वादळवा-याची ही तेथे
कायमस्वरूपी घरघर आहे
*
संसाराचा खेळ घडीभर
आवडणारा खेळायाचा
अनुभवताना तोच खरे तर
कौशल्याचा वापर आहे
*
जगणे म्हणजे एक लढाई
आपण लढतो हारजितीची
मनमोहक पण आज तिचाही
राखत आलो आदर आहे
*
देत बसावे आनंदाने
ज्याचा त्याला मानमरातब
संस्कारांच्या घडवणुकीने
तो तर दिसतो जगभर आहे
*
कर्तव्याचा ओझ्याखाली
वावरताना दबतो मानव
ज्याला त्याला काम जबर पण
उरकायाचे भरभर आहे
*
तुमचे माझे हतबल जगणे
सावरताना बदलत जावे
जगता जगता तनमन मारत
घालायाचा आवर आहे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
