श्री तुकाराम दादा पाटील
कवितेचा उत्सव
☆ हेच आहे मागणे… ☆ प्रा तुकाराम दादा पाटील ☆
☆
वागणे हळवे बनावे हेच आहे मागणे
भाग्य माझे मज मिळावे हेच आहे मागणे
*
राबणारे हात द्यावे कर्म बनता साधना
दैन्य सारे लुप्त व्हावे हेच आहे मागणे
*
माणसाने माणसाला प्रेम द्यावे जीवनी
सोबतीने जगत जावे हेच आहे मागणे
*
दान देतो देव तेव्हा आसराही लाभतो
शांततेने जगतजावे हेच आहे मागणे
*
संस्कृती जपण्या प्रभूंची नित्य व्हावी प्रार्थना
एकतेचे गीत गावे हेच आहे मागणे
*
माय मातीने दिलेली जपत जावी देणगी
मग श्रमाचे मोल घ्यावे हेच आहे मागणे
*
या जगाचे ध्येय आहे माणसाना जोडणे
स्वप्न त्याने ते जपावे हेच आहे मागणे
*
केवढे सामर्थ्य आहे ओळखावे आपले
संकटांशी मग लढावे हेच आहे मागणे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
